Prof Dan Bristow
Mae Canolfan Polisi Cyhoeddus Cymru yn dîm amlddisgyblaethol sy’n cyfuno profiad personol o weithio yn y byd academaidd, yn y gwasanaeth sifil, yn y sector preifat, yn y gwasanaeth iechyd, ym maes llywodraeth leol, mewn sefydliadau gwirfoddol ac mewn grwpiau cymunedol, yn ogystal â phrofiad o gydweithio â nhw.
Mae’r cefndiroedd amrywiol hyn yn galluogi’r Ganolfan i weithio’n effeithiol gyda chydweithwyr academaidd er mwyn sicrhau bod eu hymchwil yn cael yr effaith fwyaf, a llunwyr polisi ac ymarferwyr er mwyn gwneud y defnydd gorau o dystiolaeth i fynd i’r afael â materion allweddol sy’n ymwneud â pholisi cyhoeddus.
Mae’r Grŵp Cynghori yn rhoi cyngor ar ddatblygiad a chyfeiriad strategol hirdymor y Ganolfan.
Mae aelodau’r Grŵp yn unigolion adnabyddus sydd â phrofiad helaeth o weithio ar lefelau uwch yn y byd academaidd, yn y llywodraeth, ym maes gwasanaethau cyhoeddus, mewn busnes ac mewn sectorau eraill, ac sydd wedi ymrwymo i ddefnyddio tystiolaeth fanwl er mwyn llywio a gwella gwaith llunio polisi ac ymarfer.
Maent yn gweithredu fel ffrindiau beirniadol sy’n herio’n adeiladol, yn helpu ac yn rhoi cyngor, ac maent yn hyrwyddo gwaith y Ganolfan.